CNA
കൊച്ചി:
ഫിലിം എംപ്ലോയീസ് ഫെഡറേഷന്‍ ഓഫ് കേരള (ഫെഫ്ക)യുടെ കീഴില്‍ ഒരു സ്വതന്ത്ര തൊഴിലാളി യൂണിയന് കൂടി രൂപം കൊടുത്തു. ഇതോടെ ഇരുപത്തിരണ്ടാമത്തെ സിനിമാ തൊഴിലാളി യൂണിയന് ആണ് ഫെഫ്കയുടെ കീഴില്‍ അണിചേരുന്നത്.
എറണാകുളം കച്ചേരിപ്പടി ആശിര്‍ഭവനില്‍ വെച്ച്, കേരളത്തില്‍ സിനിമയില്‍ സെറ്റ് വര്‍ക്ക് ചെയ്യുന്ന തൊഴിലാളികള്‍ക്കായി ഒരു സംഘടന, കാര്‍പെന്റെര്‍, പെയിന്റര്‍, മോള്‍ഡര്‍, വെല്‍ഡര്‍, ഡമ്മി വര്‍ക്കര്‍, ഇലക്ട്രിഷ്യന്‍, ആനിമേട്രോണിക്‌സ് തുടങ്ങി അസംഘടിതമായി നില്‍ക്കുന്ന തൊഴിലാളികള്‍ എറണാകുളം കച്ചേരിപ്പടി ആശിര്‍ഭവനില്‍ വെച്ച് യോഗം ചേര്‍ന്ന് ഫെഫ്ക സിനി സെറ്റ് വര്‍ക്കേഴ്‌സ് യൂണിയന് എന്ന പേരില്‍ ഒരു സ്വതന്ത്ര തൊഴിലാളി സംഘടനയ്ക്ക് രൂപം കൊടുത്തു.
അറുപത്തി അഞ്ചോളം പേര്‍ യോഗത്തില്‍ പങ്കെടുത്തു.
അംഗങ്ങള്‍ക്കിടയില്‍ നടന്ന തിരഞ്ഞെടുപ്പില്‍ വിജയകുമാര്‍.സി. (പ്രസിഡന്റ്) മനു. എസ്. വി. (ജനറല്‍ സെക്രട്ടറി) ലിജിന്‍ (ട്രഷറര്‍) അജിത്കുമാര്‍, വിപിന്‍. സി. ബാബു, അജേഷ്, പോന്നു വി ചാക്കോ എന്നിവരെ കമ്മറ്റി അംഗങ്ങളായും തിരഞ്ഞെടുത്തു.
തിരഞ്ഞെടുപ്പ് നടപടിക്രമങ്ങള്‍ ഫെഫ്ക െ്രെഡവേഴ്‌സ് യൂണിയന് ജനറല്‍ സെക്രട്ടറിയും, ഫെഫ്ക ജോയിന്റ് സെക്രട്ടറിയുമായ അനീഷ് ജോസഫ് നേതൃത്വം വഹിച്ചു.
അജിത്കുമാറിന്റെ അധ്യക്ഷതയില്‍ ചേര്‍ന്ന യോഗത്തില്‍ ഫെഫ്ക വര്‍ക്കിംഗ് സെക്രട്ടറി സോഹന്‍ സീനുലാല്‍, ഡയറക്ടേഴ്‌സ് യൂണിയന് ജനറല്‍ സെക്രട്ടറി ജി. എസ്. വിജയന്‍, ഫെഫ്ക റൈറ്റേഴ്‌സ് യൂണിയന് എക്‌സിക്യൂട്ടീവ് കമ്മറ്റി അംഗം ജോസ് തോമസ്, ഫെഫ്ക പ്രൊഡക്ഷന്‍ എക്‌സിക്യൂട്ടീവ് യൂണിയന് ജനറല്‍ സെക്രട്ടറി ഷിബു ജി. സുശീലന്‍, ആര്‍ട്ട് ഡയറക്ടേഴ്‌സ് യൂണിയന് പ്രസിഡന്റ് എം ബാവ, ആര്‍ട്ട് ഡയറക്ടേഴ്‌സ് യൂണിയന് ജനറല്‍ സെക്രട്ടറി നിമേഷ് എം താനൂര്‍ എന്നിവര്‍ സംസാരിച്ചു.
യോഗത്തില്‍ മധു രാഘവന്‍, ജോസഫ് നെല്ലിക്കല്‍, രാജേഷ് മേനോന്‍, സാബുമോഹന്‍, സാജന്‍, നാസര്‍, അനില്‍കുമാര്‍, ഫൈസല്‍ അലി, മിഥുന്‍ ചാലിശ്ശേരി, എന്നിവര്‍ നേതൃത്വം വഹിച്ചു.
Online PR - CinemaNewsAgency.Com
